سري الخاص

كثيرين بيسالوني عن سر نجاحي ، لدرجة اني صرت استغرب عنجد و لهاي الدرجة انا مميزة ما بدو تفهموني غلط او تفكرو انو انا شايفة حالي بالعكس . انا دايما بشوف حالي على قدي . بس لما يتكرر الموضوع اكتر من مرة بصير في تساؤل ، عشان اكون واضحة انا بنت ولا مرة ما اخذت اشي بحياتي على الراحة كل اشي اشتغلت كتير على لبين ما اقدرت احصلو انا حملت مسؤليتي من وانا عمري 15 سنة كان المفروض انو اهلي هما اللي ايكونو حاملينها بس انا شلتها وكل الاحترام لاهلي ما قصرو معي ولا بشيءالله يخليلي اياهم . في نقطة كتير مهمة في حياتي انو رضا اهلي كنت دايما احصل علي و ثقتهم كانت دفعة كتير قوية اللي . انكمل بالموضوع لكل الشباب و الشابات اللي بيفكرو في معنى المسؤلية و معنى الاستقلالية . هي مش مجرد انو ما حد يسالك وين رايح او من وين جاي . بدك تتعب عشان اتعيش و ما في اشي ببلاش . صدقوني في فترات عمري اشتغلت باماكن كتيرة كنت كل فترة اتحمل كتير اشياء و احكي معلش اصبري يا بنت عشان بكرة اكيد احسن علمتني امي اشي مهم انو دايما ارمي حملي على الله و ما اهمل هم اشي خصوصا اذا كنت اشتغلتلو منيح و بهيك انا كبيرت على حب كتير خاص لربي اللي ما في مرة في حياتي تركني لحالي دايما بيساندني بلتمس حبو اللي في كل خطوة او فكرة انا بعملها بوفقني باشياء مستحيل من غيرو اعملها . بعترف اني مقصرة بحقو بس عنجد ودايما بحكيها هو احلى اشي بحياتي و انا عمري ما رح انسى فضلك يا رب علي . بكمل عن سري الخاص عندي كتير قواعد بحياتي اهمها انو ما في عندي اشي مستحيل و اذا بدي اشي بشتغل و بخطط كتير منيح تيصير و بصير صدقوني انو سر الحياة الايمان امن انو الله رح ايساعدك و اتوكل علي رح اتشوف كيف الحياة رح اتكون حلوة و بعدين انا دايما متفائلة و كتير كمان ما بحب التشاؤم و ما بفقد الامل و بزن لبين ما اخد اللي بدي يا عشان النجاح بدو الواحد يتعبلو ... بس ما في اشي كامل .. انا ناجحة على النطاق العملي بس فاشلة في الحب يعني انا بعمل مصاري بس علاقتي بالحب ما بدووم . بالرغم من اني اجتماعية و كل الناس بيحبوني بس مش زابطة معي
بس زي ما احكيتلكم انا ما بقطع الامل وبعرف كتير منيح انو الله مدخرلي عندو الرجل المناسب اللي ممكن انو يستاهل كل لحظة حلوة انا محطتة انعيشها سوا انا وهوا .. وانجيب اولاد مؤدبين و بيخافو الله و بيحبو ايساعدو كل الناس و انعيش حياة سعيدة . بيسالوني كتير انت لما يقربو علي انتي ليش دايما مبسوطة و الناس بيحسو انو انتي ما في ولا اشي بحياتك .بالوقت اللي انت قلبك مصدي بحكيلهم بكل فخر انا بدفع عمري عشان ارسم بسمة على وجه انسان الانسان غلبان بيظلم حالو وبيقتل حالو بايدو ما بعرف انو الحياة بدها بساطة وبدها تفاهم و كل اشي بطولت الروح بصير. المهم شو بدي احكيلكم تاحكي انا قسيت بحياتي كتير بس الحمد لله الله اكرمني و مازال كرمو ملازم معي . ادعو لله و كل اشي بصير اذا كان في خير الكم ..بحبكم كتير و بحب حياتي عشان هي حق الي و بس.