فتت عدس

ما بعرف ليش بحب الاكل لدرجة اني بموت في ، و بحب كتير ازبط صناعتو لحد اني ربطت حلم من احلامي في . اه هلاء صار عندي حلم جديد اني بدي اعمل مطعم في رام الله و ازبطو و اخلي كتير مميز . ما في حد بيدخلو و بيفكر انو يطلع منو و يكونو عندي مش زباين لاني عمري ما رح اسميهم زبايني هم ضيوفي ايكونو عندي كتير مبسوطين و بقمة المتعة ... انا مش جوعانة بس انا كتير عطشانة .. عطشانة لكتير اشياء بدي اعمل كتير عشان افيد اكتر قدر من الناس .. بس بتعرفو شو اللي حارقني انو ما في حد في هالايام بيخاف على التاني ... يعني شو هذا كل الناس بتحكي مصلحتي و بس ... المهم انا بصراحة نعسانة بس مش قادرة انام ففكرت اني اكتب اشياء ... امبارح اجت امي بدها تمزح معي وانا موتي ولا حدا ايصيب و جهي و رحت انجنيت ... حرام امي خافت انها اتكون مربية و حدة مجنونة ... و الصبح كان البيت ناشف ما امي مش جاية تنبهني و الصبح ما في فطور اتخيلو ما في فطور ... و كمان اللي كسر نفسي هو انو ما ودعتني و ضلت على الشباك تستناني زي دايما لبين ما اطلع ..فلما اطلعت الصبح ما صدقت وانا ارجع على البيت عشان العب انا وهي ونمزح كمان مرة بس من غير ما اطب في وجهي ..لو تعرفو شو بحبها هاي ملاكي رح اكتب عنها اشي خاص بس لما اصحصح... اظن ان انا لازم اروح انام لاني دخت من التعب ...